Miturut jinise karangan wujud gancaran iku ana lima warna, yaiku narasi, deskripsi, argumentasi, eksposisi, lan persuasi. Dene karangan gancaran yaiku karangan kang arupa rerangkene ukara-ukara kang kaiket ing sajeroning paragrap.
-
a
Gancaran narasi
Gancaran narasi yaiku karangan gancaran kang isine nyritakake samubarang kanthi runtut manut urutan wektu. Tuladha karangan jinis iki kayata cerkak, cerbung, novel, dongeng, utawa crita pengalaman pribadi (pengalaman olehe plesiran, pengalaman kang lucu, aneh, nyenengake, medeni, ngisinake, nyusahake, lan sapanunggalane).
-
b
Gancaran deskripsi
Gancaran deskripsi yaiku karangan kang isine menehi gambaran kahanan samubarang apa bae.
-
c
Gancaran argumentasi
Gancaran argumentasi yaiku karangan kang isine ngandharake sawijining panemu/gagasan/ide ngenani bab apa bae dikantheni alesan/bukti sing kuwat, supaya sing padha maca percaya marang panemune penulis mau.
-
d
Gancaran eksposisi
Gancaran eksposisi yaiku karangan isine menehi katrangan salah sijine topik utawa prakara kanggo menehi informasi utawa kabar marang wong kang padha maca.
-
e
Gancaran persuasi
Gancaran persuasi yaiku karangan kang nduweni ancas menehi pangaribawa (pengaruh) marang kang padha maca supaya gelem melu marang apa kang dikarepake pengarang.
2. Wacan Narasi
Teks narasi yaiku wacan kang nyritakake prastawa utawa kedadeyan kaya-kaya wong kang maca nyekseni dhewe utawa ngalami dhewe prastawa kasebut. Bisa uga ditegesi wacan kang nyritakake kanthi cetha rerangkening kedadeyan utawa prastawa ing sajroning wektu tartamtu.